GISUGDAN na sa vaccination cluster sa Davao City Covid-19 Task Force ang paghatag og first booster dose sa pediatric population o sa may edad nga 12 hangtud 17 anyos niadtong Lunes, Hulyo 5, 2022, nga gihimo sa 18 ka mga district health centers sa Davao City.

Nasayran nga available ang tanang vaccine gawas na lamang sa Gamaleya Sputnik V ug Janssen.

Una nang nag-ingon si Davao City Covid-19 Task Force head Dr. Michelle Schlosser nga ang ila lang gihulat ang pediatric booster rollout guidelines gikan sa Department of Health, diin sa paggawas niini, ila dayon nga gisugdan ang paghatag.

Apan sumala ni Schlosser nga ang mga immunocompromised nga mga kabataan kinahanglang sa ospital magpa-booster dose.

Sa Davao City, ang Southern Philippines Medical Center lamang ang mohimo niini.

Magdala lang og vaccination card, QR code, parent's consent, ID card ug medical certificate alang sa mga immunocompromised individuals.