Usa ka 30-anyos nga ulitawo nga suspek sa paglugos sa 13 anyos nasikop atol sa buy-bust sa drugas.

Si ‘Joel’ (dili tinuod ngan), 30, nadakpan sa mga operatiba sa Police Station-1 sa Mandaue City Police Office (MCPO) pasado alas 10:00 sa gabii sa Martes, Hulyo 5, 2022, sa dan ML Quezon, Barangay Lower Maguikay, dakbayan sa Mandaue.

Ang ngan sa suspek gipugngan ning mantalaan human wala makuha ang iyang habig.

Si Police Major Lean Rey Endozo nibutyag nga dihang gidala ang dinakpan sa presinto, tayming nga ang 13 anyos diha sa Women’s Children and Protection Desk (WCPD).

Kaso sa drugas ug lugos ang atubangon sa suspek.