Wala hatagi og gibug-aton ni World Boxing Council (WBC) featherweight champion Filipino Mark Magsayo ang pagkumpara kaniya ngadto kang Filipino boxing legend Manny Pacquiao.

Mismong ang kanhi naggiya ni Pacquiao nga si Hall of Fame trainer Freddie Roach nihulagway kang Magsayo nga adunay sama og kapabilidad sa Pambansang Kamao ng Pilipinas.

Gipasabot ni Magsayo nga wala siya maghunahuna niini ug nakatutok lang siya sa umaabot niyang depensa batok kang Mexican Rey Vargas nga gikatakda karong Hulyo 10, 2022 (RP time) sa Alamodome sa San Antonio, Texas.

“For me, I don’t think about that, like the next superstar. No one can match Manny Pacquiao there (in the Philippines) in this era,” matod ni Magsayo sa interbyu sa DAZN.

“I just train hard, focus every fight, win every fight, and give honor to the Philippines. Just maintain my status like this, and stay humble. I am a humble guy. No one can compare (to) Manny Pacquiao.”

Si Roach maoy kasamtangang nag-train kang Magsayo, kinsa iyang gihulagway nga sama sa 8-division world champion nga grabe sab mokayod sa training.