Dear Papa Joe,

Gibuhat ko ang tanan nganong iya pa man kong gibiyaan.

Usa ko ka OFW. Naa ko sa Singapore ron magbasahan ko online. Ako diay si Mildred, 35 years old, may ka live in ko diha pero karon wala na kay matud niya di niya kaya nga wa ko sa iyang kiliran ug di sad siya mahimutang kay 45 anyos na siya. Gusto na niya mahimutang ug magka anak.

Angkunon ko dihang dapita sipyat ko kay naa pa ko diri para sa akong mga ginikanan nga akong gipasaligan na suportahan. O magpadala sad ko niya pero gamay ra sad pero gibuhat ko ang tanan pinaagi sa pagbuhos sa akong gugma kaniya bisan wa ko diha pero sa kalit lang nibiya siya nako kay mura gihapon mi og wala kay wa ko sa iyang kiliran kay maski daw makasal mi, mobalik ra gihapon ko diri. Ana diay na? Di diay pwede sa lagyo magkahigugmaay? Tambagi ko.

MILDRED

Mildred,

Para nato tanan na atong gibuhat, pero kuwang para sa uban. Sama sa pagtabang nimo sa imong ginikanan, hangtud asa kutob imong tanan nila? Wa sad ta masayud.

Naa say rason tuod imong uyab. Naa sad siyay mga gusto nga makab-ot sama sa imong gusto sa imong pagtrabaho diha. Wa may pemanente aning kalibutana. Kon di siya, mao nay giingon move on. Maybe usa ni sa mga rason unya nga imong timbangtimbangon sad ang para sa imong future nga kauban ang minahal sa kinabuhi.

PAPA JOE