GIHIMAKAK sa lokal nga panggamhanan sa Mati ang mga taho nga ang Pujada Bay nahimo nang "virtual cesspool".
Niadtong Hunyo 28, 2022, gipublikar sa newsite Rappler ang istorya nga giulohan og "Davao Oriental's world-class bay turns into a virtual cesspool" nga base sa pagtuon sa Philippine Environmental Management Bureau (Pemb) nga nagkanayon nga ang "fecal coliform" nga kontaminasyon sa Pujada Bay niabot na karon sa kapin 2,000 parts matag milyon nga lapas na sa makaya pa nga level nga 200 ppm (parts per million).
Apan sumala kang Doris Valdesco, pangu sa Davao Oriental Provincial Environment and Natural Resources (Penro), nga ang kontaminasyon sa fecal coliform normal lamang.
"Fecal coliform contamination is normal in all coastal areas where humans are also known to co-habit," pagsaysay ni Valdesco pinaagi sa City Information Office sa Mati niadtong Hulyo 6, 2022.
Giesplikar ni Department of Environment and Natural Resources (DENR)-Davao Region Regional Executive Director Bagani Fidel Evasco pinaagi sa City Information Office-Mati nga ang water sampling "specific only to the area where the water sample was taken and does not necessarily reflect the situation in the entire Pujada Bay".
Hinuon giklaro ni Valdesco nga wala sila mahibawo nga naay Pemb.
"What we have at the DENR is only the Environmental Management Bureau or the EMB (Environmental Management Bureau)," pagtataw ni Valdesco.
Sa suwat pahayag gikan sa Dakbayan sa Mati, gisulti nga naghangyo na sila og opisyal nga kopya sa resulta sa pinakaulahing water sampling nga gihimo sa DENR-EMB aron nga ilang susihon ang taho sa Rappler.
Samtang mga opisyal sa kinaiyahan sa Mati nibati og pagmahay sa taho.
"Environment officials rued how the story was spinned to put the government in a bad light considering that Pujada Bay, along with Mayo and Balete Bays, were declared as one of the Most Beautiful Bays in the World by a European-based organization," matud sa Siyudad.
Sumala sa Siyudad nga duna silay nagpadayon nga proyekto aron nga maprotektahan ang Pujada Bay ug giila sa maong mga "practices".
"For its continuing projects aimed at protecting Pujada Bay, the City of Mati LGU was recently recognized by the DENR for its outstanding practices on solid waste management and its IEC strategies," dugang pa sa siyudad.
Gikanayon sa siyudad nga duna silay ginahimo nga mga pamaagi sama sa padayon nga "mangrove rehabilitation" sa mga lugar nga nagpalibot sa Pujada Bay; "rehabilitation and retrofitting" sa sanitary landfill; pagpalambo sa garbage collection service ug daghan pang uban.
Sa pikas bahin, si Mati Mayor Michelle Nakpil Rabat nagdasig sa mga Matinians nga "continue protecting the environment especially so that the city is considered as one of the prime tourist destinations in the region."