Talento: Sex stories (The Finale?)

"INTAWON, daw nagsaka sa ikapitong bungtod kay hastang hangaka ni lolo."

***

Hello po!!! Sa pagkatinuod, daw makasuwat na ko'g libro sa kadaghang mensahe nga inyong gipadangat kanako -- thank you po! Bitaw, salamat kaayo nga inyong nasabtan nga ang atong gihisgutan dili sentro sa akong personal nga panginahanglan apan salamin sa isyu sa atong kaugalingon, pamilya ug katilingban apan dili kaayo maistoryahan kay lagi mabutanga'g malisya o mahulog sa binastos nga chicka. Maayo na lamang mga madiii nga dinhi sa Super B, kasagaran kanato ang utok basta alang sa pagtuon ug kalamboan -- abri!

Pipila sa akong nadawat nga personal nga mensahe gusto tukion ang mga mosunod nga sitawasiyon sama sa "gamay si junjun" o ang kinatawo busa bisan gusto ni Inday tagbawon si Manong lisod alang kaniya ang mopatong. Limitado ra kaayo ang ispayo sa pagbaid sa ilang mga panit, migo. Sagabal pa gyud daw ang dakung tiyan busa si Inday, patuwa__n na lamang aron mas makaabot ang "hinagiban" sa kahimayaan- pastilan!

Samtang ang usa, molabad kaayo ang ulo niya inig hilabtan sa bana. Tungod sa kadako sa kinatawo kay "foot-long (12 pulgadas) kuno," magbakus intawon siya'g tualya sa ulo kay makalabad gyud hu hu! Dili kuno siya lamian kay bun-og daw pirmi iyang bilahan! Wala siya nakigbulag apan gihangyo niya iyang bana nga mangita'g lain nga "kahikya." Dili daw siya malain o magselos kay ang sex bisan gamitan og stopper (pugong) o gamay'ng bakus sa iyang bana -- nahimong pag-antus kaniya.

Ang usa, senyor na samtang taas pa'g enerhiya ang baye. Intawon, daw nagsaka sa ikapitong bungtod kay hastang hangaka ni lolo. Dali ra kaayo mopabuto samtang wala pa ang partner niya nagaw...an. Naaah, makasapot baya ning mabitin. Lami lagi daw mag "call a friend" apan tungod love kaayo niya si lolo... agwanta na lang siya ha ha! Bitaw, dili ni angay'ng kataw-an kay ang maong sitwasiyon dinala na sa edad -- DI NA GYUD MALIKAYAN, igsuon.

Naa poy pipila nga MAHILIG KAAYO kay ang sex alang kanila mora'g pagkaon nga kon mahimo daw buhaton inig pamahaw, paniudto ug panihapon. Gara na pud kaayo kon duna pay snacks, no, kay mora'g maughan ta ana bah! Moreklamo si Mamang kay iyang hiyas daw manghalang. Sa mga beke nato nga higala, husto na daw nga ikaduha lang sila "urangon" kay hapdos pud daw gamay ilang lubot, igsuon.

Si Ate Girl natanggalan og matres unya biniyaan pud sa bana apan mogimok pa man daw iyaha sa edad nga kapin singkuwenta busa aktibo iyang love life. Sigun niya, dili daw sila nagadugay sa iyang sexual partner bisan daw mas kuyaw pa sa pagbaid sa gabas iyang pamaagi inig maglabing-labing sila sa iyang laki.

Ingon sa akong pren, dili kuno ganahan kaniya ang mga laki kay daw "mas bugnaw pa daw sa simod" ang iyang "sulod." Mas lami daw gamiton ang mga babaye nga init ang kalawasan labi na ang kinasudlan. Aw, unsa ba diay n... dili diay paigo ning atong mga "bingka" kay ang kainit sa pugon ila pong gipangita? Pandamay! (Sumpayan)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph