Dear Papa Joe,
Puno sa pagmahay ang akong naangkon karon. Ako diay si Gina, 40 anyos ang panuigon.
May ka live in ko sa una. Medyo strikto siya pagka lalaki apan great provider siya.
Yes, di mi datu apan gipa-feel niya namo sa iyang anak ang kaharuhay sa pagpuyo.
Ako love man nako siya apan, angkunon ko nga naa sad koy bati nga batasan ug pirme nako siyang awayon ug ambot wa ko makasabot ngano.
Basta kay init lang akong buot niya, apan love baya nako siya. Siguro ako sad ning batasan.
Nagsige na siya og reklamo nako nga wa ba daw koy appreciation niya nga gibuhat man niya ang tanan.
Usa sa nakapabugnaw nako niya iyang batasan. Sa una nga palaaway, apan nausab ni dihang naa na mi anak. Apan ambot wa man mahibalik akong gugma niya sama sa una.
Karon, nibiya na siya namo. Basolan ko man pero wala na siya. Namatay siya sa disgrasya.
GINA
Gina,
Sa kinabuhi, moabot ang mga pagsuway para makat-on. Moabot ang mga tawo para mosakripisyo para sa atong kausaban.
Wa koy masulti gawas sa pagpangayo og pasaylo sa Ginuo nga kon asa man siya gibutang karon, mapasaylo o masabtan ra ka niya.
Manghinaot lang ko sa mga nakabasa sa imong suliran nga makakat-on sila pag-value sa mga tawo sa di pa ulahi ang tanan.
PAPA JOE
(sa inyong tampo ipadala lang sa papajoesuperb@gmail.com)