Binghay: Rason sa paghupong

Dugay nang mipanaw akong amahan apan lab-as pa gihapon sa akong panumduman ang hitsura sa iyang tiil dihang nasakit siya.

Atong tukion karon ang mga rason nganong manghupong ang tiil kun edema o water retention.

Ang modernong siyensiya dako og natabang paghatag og katin-awan kon unsay naka-ingon ini.

Pinaka-una ang ka kuwang og kalihukan. Pasabot nga kon di magsegi og lihok, ang tubig sa lawas magpundo sa ubos nga bahin labi na sa may tiil sama pananglit kon magsegi lang og lingkod sa opisina o magtan-aw og salida sa telibisyon.

Ang solusyon ini simpli ra kaayo, mag ehersisyo. Wa ni magpasabot nga mo adto sa gym o moapil og yoga nga klase kay bisag maglakaw lang og 30 minutos kada adlaw, insakto na ni unya kon maghigda man ugali, isaka o ipataas ang tiil nga mas taas pa sa ang-ang sa kasingkasing para mohiyos ang hupong.

Ikaduha kining blood clot kun venus insufficiency. Kasagaran ini mahitabo sa mga nagsabak o may edad na. Pasabot ini nga ang walls sa ugat sulod sa tiil mawad-an na og kusog maong usa na lang ka deriksyon ang valve nga mopa-ingon sa nawong ug kasingkasing. Mao ni makaingon sa pagkapuno sa mga ugat-ugat sa tiil labi na sab og kanunay nga magbarog sa dugay nga panahon.

Angay ipasaka o itaas na sab ang tiil. Mahimo sab mogamit og mga support stockings o prescription compression stockings, kanang di kaayo tantong hugot aron di maglakra sa panit.

Ikatulo kining ‘Bad Diet’ labi na og masubrahan ang pagkaon nga daghang asin kun sodium kay maka pundo man kini og tubig sa lawas.

Ang solusyon mao ang paglikay og kaon og parat unya kaon hinuon og masustansiyang utanon.

Ika-upat ang PMS (premenstrual syndrome) ug pagsabak. Testingi og inum og init nga parsley tea unya sagulan og luy-a, lemon o honey aron dunay lasa.

Katapusan ang kidney o liver issues. Di lang tiil ang manghupong, apil nawong ug kamot.

Kon kini mahitabo, duol gilayon sa imong doktor para maabagan og insakto labi na og mamula o magsamad-samad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph