Gipanimaslan sa Gilas Pilipinas ang India human sila gipukan sa Lebanon, 101-59, aron pagsiguro sa ilang pwesto sa second round sa 2022 Fiba Asia Cup sa Jakarta, Indonesia.
Si Navarro maoy nangulo sa balanse nga opensa sa Gilas pinaagi sa iyang 18 puntos kun 6 of 7 shooting off the bench sulod sa 16 minutos human sila gipukan sa Lebanon, 80-95, duha ka adlaw na ang nakalabay.
Ang guard sa Gilas nga si Kiefer Ravena, kinsa nakaangkon og injury sa mata niadtong Miyerkules, niamot og 17 puntos pinaagi sa iyang 7 of 8 shooting uban sa lima ka rebounds. Ang Gilas adunay 1-1 nga standing sa Group D.
Atol sa pagsuwat niining balita, ang Pilipinas padayon pa nga nakigduwa sa New Zealand sa Group D.
“We wanted to come into this ball game and make sure we come up with better performance than our last game. That’s number one, to be able to play at our level, at a certain level,” matod ni coach Chot Reyes.
“I must admit we started the game pretty rough. But the players were able to recover and I thought we were able to put a lot of pressure on the other team. We knew that if we prevent this from becoming a halfcourt game, then it will increase our chances of winning,” dugang sa Gilas mentor.
Ang Gilas nipabuto og 31 puntos sa 3rd quarter ug 4 puntos ra ang nahimo sa mga Indian sulod sa 9 minutos. Si Navarro maoy nagduslit sa 25-4 run aron i-poste ang 39 puntos nga labaw, 76-37, sa nahabiling 2:03 sa 4th quarter.
Ang Pilipinas wa pa natagbaw, gipasulod pa ni Renz Abando ang iyang tira sa tres aron inaton sa 42 puntos ang ilang labaw, 95-53.
Si RJ Abarrientos nipasulod usab sa iyang back-to-back triple samtang nakatampo usab og 12 puntos si Bobby Ray Parks.