Talento: Wild Flower

HELLO mga sis ug bro! Nakapamahaw na ba mo? Ako? Wala kay tungod sa akong bag-ong dyeta- diretso paniudto na ang pinakaunang kaon nako, mga higala. Kaluoy sa Ginoo, nindot ang porma ug paminsar nako, tipid pa sa gasto kay dili nako tigkaon og kan-on, migo. Wala na po'y snacks, ug ang mga tinanum nakong lagutmon palibot sa balay ra pud akong lagaon –solb na kaayo ang kaon!

Bitaw, musta? Naa gayud nangutana sa akoa kung nganong mahitungod sa sex ang tulo ka milabay nako nga kolum. Nganong dili? Ang atong sutaon ang katuyoan dili ang intention sa uban. Duna pay nagpadangat og mensahe nga "uga" ra daw kuno ko busa nasuwat nako kadto. TINUOD.

Gulay ang kadaghanang nakatanum palibot sa akong balay kay "kaon" gyud akong trip. Naay bulak ginagmay ra. Maayo man ning tanum nga gulay kay dili na kinahanglang mopalit sa merkado; limpyo, way kemikal ug labaw sa tanan, makalipay kaunon ang gikan mismo sa atong gitanum, tama?

Bitaw, ang mga babaye daw sama sa bulak nga kung husto ang pag-amuma- mo-bloom o "MAS" moguwapa, uyon ka? Ingon ani man gud mga madiii, niadtong tunga-tunga sa pandemya nga daghang nahimong plantita aron manginabuhi o magpawala sa stress ug kalaay nila, aduna koy napunitan nga "aglaonema." Mora'g gabi-gabi ang hitsura pero duol sa orange kolor ang mga dahon niya.

Bitaw, true story ni. Daw udlot ra kini kagamyon nga gilabay sa kalsada kay seguro mahal ang bayad sa delivery. Akong gipunit ug gibutang sa kilid sa balay. Tulo ka bulan pa una nako nabutang sa kaang. Walay atinamanay kay busy ko apan nabuhi ra pud baya, migo. Intawon ningbaga pud baya ang mga dahon. MAKALIPAY baya; ninglabong na busa gibutang nako sa lamesa. Nakita ug giganahan akong pinalanggang higala busa karon tua na sa balay niya.

Unsay akong katuyoan? Wala lang. Nakita lang nako akong kaugalingon nga sama sa aglaonema, miga. Akong gipamalandungan ang akong kahimtang isip babaye nga daw sama sa maong bulak. Mas mamulak kaha ko kung nagpatugpa'g "buyog" kaniadto? Medyo natagam ug konserbatiba ang tinuohan busa "nagbinuotan."

Karon sa edad nga 43, modawat na ba ko'g hardinero nga nagapakilig... este nagpaduol nako? Mas nindot kaha ni nga sitwasiyon o magpadayon na lamang sa akong style nga daw "ihalas nga bulak," migo?

Wala ko nagsulod og mga relasyon kay dili nako mahisusama sa kinaiya'g "iro," igsuon nga bisan kinsay upahan o tirahon. Hugawan ko maghuna-huna ilabi na nga ang lawas nato- templo sa Balaang Ispiritu busa mora'g dugayyyyyyyyy gyud ang pagdesisyon nako. Dili baya ko salto kaayo MAS LABAW NGA DILI KO SANTO! Tao lang po.

Reyalidad ra gud kini nga sa kinabuhi, we cannot have all, madiii. Depende na lamang kung unsaon ug sa asa nato kini mapunuan... sa butang ba nga ginapanghagad sa kalibutan o padayon kitang maglaum sa promisa sa Kahitas-an? Ready na ba ko mag-"wild" o mag-"bloom?"

Related Stories

No stories found.
SunStar Publishing Inc.
www.sunstar.com.ph