Ang programa sa pagpahiuli gikan sa pandemiya, edukasyon, food security, government partnership uban sa private sector, kampanya batok sa illegal drugs ug kriminalidad, lakip sa infrastructure development ug human rights mao ang pipila ka isyu nga buot madunggan sa mga magbabalaud ug non-government organization nga tukion ni Presidente Ferdinand ‘Bongbong’ Marcos Jr. atol sa iyang unang State of the Nation Address (Sona) sa Lunes, Hulyo 25, 2022.
Si Senator Loren Legarda niingon nga gipaabot niya nga si Marcos mopahibalo sa specific measures sa administrasyon sa pagkab-ot sa “better normal” gikan sa epekto sa coronavirus disease (Covid-19) pandemic.
Naglaum siya nga kini nga mga plano “naka-aligned ug attuned sa climate path.”
Matod ni Legarda, naglaum siya nga madungog gikan sa Presidente nga mosulti sa priority programs ug policy reforms bahin sa health ug education, food security, agriculture ug sustainability programs, economic ug fiscal policies, human rights ug social justice, unemployment ug underemployment, legislative agenda, critical role sa local governments, foreign policy ug ubang pressing issues bahin sa ekonomiya, sama sa inflation ug serye sa oil price hikes.
Si Marcos kinahanglan nga mohatag sa iyang plano sa pagpalig-on sa education system sa nasod, diin grabeng naigo sa pandemiya, lakip kon unsaon sa pagtubag sa utang sa Pilipinas, diin naa na sa P12.495 trillion base sa Mayo 2022, dugang ni Legarda
Si Senator Sonny Angara niingon nga si Marcos gipaabot niya nga motuki sa pandemic recovery apan nakasandig sa plano sa pagpatuyok sa ekonomiya.
“Kung paano mapapaganda ang serbisyo ng pamahalaan pagdating sa kalusugan, sa edukasyon, paano makalikha ng trabaho, ‘yan ang gustong marinig ng ating mga kababayan sa darating na Sona ni President BBM,” matod ni Angara.
Si kanhi Philippine National Police (PNP) chief nga karon Senator Ronald dela Rosa naglaum nga si Marcos mosulti nga iyang ipadayon ang nahimo sa kanhi administrasyon ni Presidente Rodrigo Duterte, labina batok sa illegal drugs, criminality ug terrorism.
Si Senator Christopher Go gusto nga si Marcos mopadayon sa pagpalig-on sa healthcare system, food security, disaster response measures, ug ang “Build, Build, Build” program, diin mohatag usab og dugang trabaho sa mga Filipino.
“Nasa balikat ng Pangulo ang sama-samang pangarap at pag-asa ng milyun-milyong mga Pilipinong nagbigay sa kanya ng matibay na mandato para iahon sila sa kahirapan at bigyan ng mas maiging buhay,” matod ni Sen. Grace Poe
Samtang, ang Human Rights Watch (HRW) nanawagan kang Marcos sa paghatag og prayoridad sa pagsulbad sa human rights concerns ug pag-ila niini atol sa iyang Sona.
“President Marcos has a golden opportunity to get the Philippines on the right track by setting out clear priorities and policies to improve human rights in the country,” matod ni HRW deputy Asia director Phil Robertson.
Ang HRW niawhag ni Marcos sa pagbuhi kang kanhi senator Leila de Lima, kinsa natanggong sukad sa 2017 tungod sa alegasyon nga nalambigit sa illegal drug trade, paghunong sa abusive ug unlawful operations sa kapulisan sa drug war, pagmando sa pakisusi sa alleged extrajudicial killings. / SunStar Philippines