Aron mapalambo ang teamwork ug healthy lifestyle sa ilang mga empleyado, ang HomeSourced Inc. mipahigayon sa labing unang sportsfest sa kompaniya nga gitawag og HomeSourced Sportsfest 2022.
Pormal nga gisugdan ang paugnat sa kusog niadtong Dominggo, Hulyo 24, 2022 sa University of Southern Philippines-Foundation gym niining dakbayan.
Matod pa sa presidente sa HomeSourced Inc. nga si Austin Anderson, tinguha sa maong liga ang hatagan og pahuway sa trabaho ang ilang mga empleyado.
Si Anderson, uban sa co-owners nga sila si Ellen Escribano ug Anne Cubar-Paracuelles, mao ang pormal mga miabli sa kompetisyon.
Si Rica Mae Salomago maoy midaog sa best Muse award.
Adunay managlahi nga teams ang manuwa sa basketball, volleyball, badminton, chess, tug-of-war ug ang sikat karon nga esports ang Mobile Legends.
“We are holding this to give our employees a much-needed break as they put in so much effort and hard work to help the company grow this past three years. We are also excited to see everyone in one place outside the confines of the office just simply enjoying themselves and having fun,” batbat ni Anderson. Ang HomeSourced Inc. aduna nay 500 ka mga empleyado.