Giladlad ni Presidente Ferdinand “Bongbong” Marcos Jr. ang mga plano sa iyang administrasyon aron mapalig-on pa og maayo ang ekonomiya sa nasud nunot sa epekto sa coronavirus disease (Covid-19) pandemic.

Sa iyang unang State of the Nation Address (Sona) sa Lunes, Hulyo 25, 2022, si Marcos niingon nga ang iyang gobyerno mopatuman og “sound fiscal management tax administration reforms” nga makadugang sa revenue collection expenditure sa gobyerno.

“Our tax system will be adjusted in order to catch up with the rapid developments of the digital economy including the imposition of value added tax on digital service providers. The initial revenue impact will be around P11.7 billion in 2023 alone,” siya niingon.

Siya niingon nga ang mga pamaagi sa pagpatuman sa buluhisan himuong simple aron mapauswag ang kadali sa pagbayad sa buhis, samtang ang mga prayoridad i-align pag-usab ug husay ang paggasto aron mapauswag ug matubag dayon ang mga epekto sa ekonomiya sa pandemya, ingon man sa pagpangandam sa uban pang umaabot nga krisis.

Matud pa ni Marcos nga magpahamtang usab sila og tax incentives alang sa mga negosyo kay gitumong nila nga ang nasud mahimong destinasyon sa pamuhunan. / TPM sa SunStar Philippines, AP