KINAHANGLAN nga mosumite na ang tanang mga vendors sa Davao City og health certificate samtang nagproseso og permit aron nga malikayan ang samang insidente sa diarrhea outbreak sa Toril.
"We have plans already, long term plan not only the fixed establishments but also mga ambulant nato na vendors require them for a certification, particularly sa mga health certificates sa permits na atong ma-providan gyud nato sila... especially on food handling for food preparation kay diha man gud ang culprit sa mga infections ug contamination," pagtin-aw ni Dr. Ashley Lopez, CHO head, sa paghinabi uban sa SunStar Davao niadtong Hulyo 26.
Ang maong plano wala lang nagtumong sa Toril apan sa tibuok siyudad, sumala ni Lopez.
Niadtong Hulyo 17, nitay-og ang diarrhea outbreak sa Toril ning siyudad kon diin lima ang namatay ug 266 ka mga tawo ang gikatahong naapektuhan sukad Hulyo 26.
Gitug-an ni Lopez nga 400 ka mga vendors sa Toril nitambong ug gibansay bahin sa "food handling" isip kabahin sa ilang "interventions" aron nga mapugngan ang laing diarrhea outbreak.