Sa unang tan-aw pa lang siguradong bisan kinsang direktor sa pelikula makaingon gyud nga pang-leading lady kaayo ang kaanyag ni Nichole Flores.
Samot na tingali kon ilang masayran nga siya ang anak sa beteranang Cebuana actress nga si Joan Flores, ang nidaug nga Best Supporting Actress sa 2021 Gawad Sining Short Film Festival sa pelikulang “Mama Mayumi.”
Ug wala ni makaipsot sa super multi-talented Sam Costanilla nga maoy director-writer sa upcoming anti-drug advocacy film nga giulohan og “Kahiamgo” nga magsilbing “baptism of fire” sa 26-anyos nga dalaga.
“Yes, this is my first time to act in a film and I’m really excited knowing that I will be working with some of the best in the industry, the likes of Ms. Marlinda Angbetic Tan and Dan Sy Lopez, who also worked with my mother in previous films, together with Sir Sam, who was also their director,” matod ni Nichole sa interbyu sa SuperKa sa Superbalita.
“I will be playing here the role of Jenny, the girlfriend of Jay-R, who is a drug dealer, played by Dan Sy Lopez. We had our first lock-in taping last Sunday.”
“Actually, I’m really grateful to Dan for vouching for me. He’s like a brother to me kay close pud sila ni Mama even behind the scenes. That’s the reason why wala ko mag-duhaduha og accept sa role,” dugang pa niya.
Hinuon, dili na bag-o ni Flores ang pag-arte isip sakup sa University of San Carlos Theatre Guild nga naka-perform sa ilang school play sa SM City Cebu. Usa sab siya sa mga konsehal niadto sa ilang USC Student Council.
Unsay reaksyon sa iyang pamilya ug unsay preparasyon niya sa iyang unang pelikula?
“Very excited and very supportive kaayo ang akong family and even my fiancé is so happy for me. My mom has been in the showbiz industry for more than 20 years. Nag-workshop mi at home and she shared her best practices. She is also a beauty queen in her younger years.”
Ang iyang Mommy Joan usa ka kanhi talent sa ABS-CBN Cebu ug nigawas na sa pelikulang “The Chiong Story” niadtong 2018 ug nagbida usab sa mga short film nga “Isolasyon” nga nakadawat og international award ug “Panihapon” nga entry sa Cinespectra.
Sa katapusan si Nichole nanghinaot nga unta ang “Kahiamgo” makahatag og pagtulon-an labi na sa mga batan-on aron dili sila mahitumpawak sa kalautan sa paggamit sa illegal nga druga.
“I expect this project to bring light especially to the youth. I hope this will help them realize the importance of doing the right thing and good decision making.”
Ang anti-drug advocacy film nga “Kahiamgo” gi-produced ni Madridejos, Cebu Mayor Romeo Villaceran nga ipasalida karong Agusto 18 via The Other Side of Me Facebook page ug You Tube Channel.