Subo, sakit ug pait kaayo ang bation kon mismong ang atong minahal sa kinabuhi di na makaila nato kay nasakit og dementia o alzheimer. Karong adlawa ang akong lindog mahitungod sa pagkaon nga makatabang pagpalagsik sa memorya gikan sa basahon nga Halamang Gamot.
Una kining kape. Mahilig ka bang moinom og kape sa buntag? Ang kape dunay antioxidants ug caffeine nga dako og matabang pagpalagsig sa utok. Kon moinom ka ini molagsik dayon imong pangisip, mood ug dunay konsentrasyon sa gimbuhaton.
Sunod ang isda sama sa salmon, mackerel ug tuna kay daghan kini og Omega-3 fatty acids ug docosahexaenoic acid o DHA nga makatabang sa kasingkasing. Kini sila importante sa pang adlaw-adlaw nga trabaho sa neurons nga maoy makatabang pag-ayo sa pangutok. Maayo sab ni siya kon mag-diet ikumpara sa mga red meat ug ubang protina kay ubos ma ni siya og saturated fat.
Avocado. Sa gihimong pagtuon, ang avocado daghang Bitamina E ug C nga mopaubos sa risgo nga magka Alzheimer’s disease.
Sunod kining mga lugom og kolor nga berries sama sa strawberries o blue berries kay daghan kini og anti-oxindants nga maoy mokontra sa toxic proteins nga maoy nakaingon sa hinayhinay nga pagkawa sa memoriya. Mahimo kining isagol sa cereal, oatmeal o i-shake.
Ikalima kining turmeric. Ang iyang kalugom ug dilaw nga kolor nga sangkap maoy makahimo og curry powder. Duna kini curcumin nga dako og matampo pagpalagsic sa utok, padaghan sa brain cells og makatabang palayo sa depresyon. Duna kini concentrated anti-oxidant ug anti-inflamatory compound nga makapahiyos sa naghubag-hubag nga parte sulod sa lawas.
Dark Chocolate. Ang pagkaon ini ka usa sa 1 ka semana makatabang sab sa memorya ug abstract thinking skills mao nga ang ubang tinun-an mangaon ini panahon nga mag test. Pilia ang Dark Chocolate nga naay 70% nga cocoa.
Katapusan ang kamatis. Duna kini lycopene nga makatabang sa short term memory unya mo protekta sab sa cells batok sa free radical damage.