DAKO ang kalipay sa mga benepisyaryo sa lungsod sa Sta. Maria gumikan natunolan sa ilang mga nag-unang panginahanglan atol sa 44th National Disability Prevention and Rehabilitation Week uban sa temang "Pamahalaan Kabalikat sa Pagtupad ng Pantay na Edukasyon, Trabaho at Kabuhayan, Tugon sa Pagpapalakas ng Taong May Kapansanan."
Sa gihimong culmination program ning bag-o lang gihangop sa mga edaran, ug sa mga Persons with Disabilities (PWDs) si Sta. Maria Davao Occidental Mayor Claude Benjamin II D. "Dinko" Bautista sa pagdalit niini og mga gamit sa PWDs ug mga food packs.
Gitinguha sa munisipalidad nga mas mapakusgan pa ang programa sa pagtubag sa mga panginahanglan sa mga samang dunay apan.
Gipasalamatan sab ang suporta ni Provincial Governor. Atty. Franklin P. Bautista, kinsa matag karon ug unya mopaabot og tabang sa mga nanginahanglan.
Ang maong programa gisaksihan sab sa chairperson sa PWDs, Kababayen-an, mga senior citizens, Sangguniang Kabataan, ug uban pang mga stakeholders.
Naa sab ang Sangguniang Bayan (SB) Members, Municipal Social Welfare and Development (MSWD) Head, Ms. Romelyn Magallanes RSW ug ang mga team niini.
Malaumon si Mayor DInko nga ampinga sa mga benepisyaryo ang ilang mga nadawat nga butang aron magdugay kini kanila.