Ang direktor sa kontrobersiyal nga pelikulang “Maid in Malacañang” niingon nga way daotan sa ilang bag-ong trailer nga nagpakita nga si anhing Presidente Corazon Aquino nakigduwa og mahjong sa mga madre.
Sa usa ka pamahayag nga gi-post sa iyang opisyal nga Facebook page, VinCentiments sa Martes, Agusto 2, 2022, ang direktor ug magsusulat sa ‘Maid in Malacañang’ nga si Darryl Yap niingon nga ang eksena diin si Aquino ug ang mga madre nagduwa og mahjong gituyo aron sa pagpalabay sa oras ug usa ka duwa tali sa mga higala.
“Wala rin pong masama sa ‘Mahjong’ pampalipas-oras man o pangmagkakaiibigang laro,” matud ni Yap.
Ang pamahayag ni Yap nigawas human ni-react ang mga madre sa Carmelite Monastery sa Cebu sa trailer sa iyang salida nga nagpasabot nga si Aquino nakigduwa og mahjong sa Carmelite sisters dihang nianhi ang anhing Presidente sa Sugbo human lang nibuto ang unang EDSA People Power Revolution.
Sa bag-ong pamahayag nga ilang gipadala sa media sa Sugbo niadtong Martes sa buntag, Agusto 2, ang Carmelite sisters niangkon nga pipila ka mga eksena sa kontrobersyal nga salida ang “historically distorted” ug gihimo nga wala silay konsultasyon.
Gikondenar ni Sister Mary Melanin Costillas, prioress sa Carmelite Monastery sa Mabolo, ang mga eksena sa trailer sa kontrobersyal nga salida.
Matud pa ni Costillas nga bisan ang mga batasan sa mga madre nga gipakita sa salida dili parehas sa ilang mga batasan, ang mga panghitabo nga gipakita sa trailer usa ka “alusyon” sa panagtagbo ni Aquino sa Carmelite sisters niadtong gabii sa Pebrero 22, 1986.
“The nuns are not wearing our brown religious habit. But if these pictures are portraying the events of February 1986, then the allusion to the Carmelite Order in Cebu is too obvious for anyone not to see,” matod ni Costillas.
Dugang pa niya nga walay bisan usa sa production sa maong pelikula nga niduol kanila aron mangayo og impormasyon sa tinuod nga nahitabo.
Matud pa ni Costillas nga daghan sa mga madre nga kauban ni Aquino niadtong panahona ang buhi pa ug aktibong nagserbisyo sa monasteryo lakip na si Sister Mary Aimee Ataviado, kinsa maoy labaw sa panahon sa rebolusyon.
MALISYUSO
Dugang pa ni Costillas nga iyang gikonsiderar nga “malisyoso” ang eksena sa trailer sa maong salida diin ang mga madre nagduwa og mahjong uban ni Aquino ug usa ka “reprehensible attempt” sa pagtuis sa kasaysayan.
“The truth was that we were then praying, fasting and making other forms of sacrifices for peace in this country and for the people’s choice to prevail. While in our prayer, we were constantly in fear that the military would come to know of the whereabouts of Ms. Cory Aquino and would soon be knocking at the monastery’s door. We knew the dangers of allowing Ms. Cory Aquino to hide in the monastery,” matod ni Costillas.
Samtang si Cebu Governdor Gwendolyn Garcia nanalipod sa mga madre nga Carmelite.
“I stand with the Carmelitre nuns of Cebu. And I condemn any malicious attempt to malign them,” matod sa gobernador sa iyang Facebook post sa Agusto 2, 2023.
ISIPON LANG
Si Msgr. Si Joseph Tan, tigpamaba sa Archdiocese of Cebu, niawhag sa publiko nga nagplano nga motan-aw sa kontrobersyal nga salida nga dili kini isipon nga tinuod.