MIHULMA og double-double nga performance si Zachary Huang aron pangulohan ang Asian Orthopedics 2014 paglampornas sa MDP Customs Brokerage 2013, 71-50, sa nagpadayon nga Sacred Heart Ateneo Alumni Basketball Athletic Association (Shaabaa) Season 25 nga gipahigayon as Magi Eagles Arena sa Sacred Heart School-Ateneo de Cebu (SHS-AdC) sa Canduman, dakbayan sa Mandaue.
Ang 3-on-3 specialist nga maoy pambato sa Chooks-to-Go Cebu Team nipakatap og 16 puntos nga may 13 ka rebounds sa kadaugan nga wala makasinati og pagpanghudlat.
Miduyog ni Huang sa opensa ang kanhi sakop sa SHS-AdC Magis Eagle Gio Laguyo kisas mipahagsa og 14 puntos nga gilamasan og unom ka rebounds.
Si Rendell Senining nangulo sa Batch 2013 nga may 22 puntos, tulo ka rebounds ug upat ka assists.
Gilubong sa Batch 2001 (Dynacast) ang Batch 2002, 100-51, sa Division A.
Si Jason Arquizola mipaulbo og 23 puntos, siyam ka rebounds, lima ka assists ug upat ka steals sa kadaugan nga wala gyud makasinati og pagpanghudlat sa kinatibuk-ang panag-engkuwentro.
Apan kini dakong sukwahi sa kadaugan sa Carampatan Food Corp. 2012 kinsa miagi og kakuyaw una pa nila masakmit ang 93-89 nga kadaugan batok sa Casa Mira 2021, 93-89, sa overtime.
Ang 46 puntos ni Adven Jess Diputado maoy naggiya sa makutas nga kadaugan sa Batch 2012
Sa duha lamang ka sikit nga mga duwa, ang Carampatana Food Corp. 2012 nag-agi usa og overtime sa wala pa gibuntog ang Casa Mira 2021, 93-89, samtang ang Prince Warehouse Inc., Laptap Enterprises ug MYMC Group 2006 nakaipsot sa Marjaztin Glass Trading & Construction 2008, 73-69. Si Adven Jess Diputado mipabuto og tournament-high 46 puntos alang sa Batch 2012 samtang sila si Frank Dinsay ug Anthony Ong nagkumboya'g 28 puntos ug 10 ka rebounds alang sa Batch 2006.
Sa laing kombati, gipukan as Batch 2011 ang Batch 2005, 79-65, sa division B; gipatapsingan usasb sa Batch 2006 ang Batch 2008, 73-69. (JBM)