PILITA CORALES, 84 / Instagram
Positive attitude ug healthy diet ang rason sa “Asia’s Queen of Songs” kon nganong nilahutay siya sa industriya. “The most important thing is healthy eating. I have a water diet but you take it with sea salt. I take 10 glasses of water a day with sea salt on the tongue,” paambit niya sa ABS-CBN. Niadto lang Hunyo si Pilita ang special guest nilang Sharon Cuneta ug Regine Velasquez sa “Iconic concert.”
PILITA CORALES, 84 / Instagram Positive attitude ug healthy diet ang rason sa “Asia’s Queen of Songs” kon nganong nilahutay siya sa industriya. “The most important thing is healthy eating. I have a water diet but you take it with sea salt. I take 10 glasses of water a day with sea salt on the tongue,” paambit niya sa ABS-CBN. Niadto lang Hunyo si Pilita ang special guest nilang Sharon Cuneta ug Regine Velasquez sa “Iconic concert.”

Ciar: Unsay sikreto sa ilang taas nga kinabuhi?

Sila ang mga pinaka-senyor nga aktor ug aktres sa atong henerasyon o mga living legend sa Philippine showbiz nga aktibo gihapon luyo sa ilang pangidaron. Unsa kahay ilang sikreto sa taas nga kinabuhi? Ato silang kumustahon sa Sssuper Ka!

ROSA ROSAL, 93 ANYOS

Bisan sa iyang leg fracture, maayo ang kahimtang sa beteranang aktres nga naila sa iyang kontribusyon sa Philippine National Red Cross. “Siyempre because of age, minsan malilimutin, but her memory is good,” butyag sa iyang anak nga si Toni Rose Gayda sa ABS-CBN. “From a scale of 1 to 10, I would say she’s a 7! I think that’s because she really took care of her health when she was younger and wala siyang bisyo.”

DELIA RAZON, 90

Naa na sa punto sa iyang kinabuhi si Delia Razon nga dili na usahay makaila sa mga tawo. Base sa Pikapika.ph ang naghatag niyag kusog ang mapinanggaon niyang mga apo nga naglakip sa aktres nga si Carla Abellana nga apo ni Delia sa anak niyang si Rea Reyes. Nisikat sa 1950s sa loveteam nila ni Rogelio dela Rosa sa LVN Pictures, si Razon mag-91 na karong Agusto 8.

GLORIA ROMERO, 88

Ang movie queen nga si Gloria Romero aktibo pa sa telebisyon isip “Lola Goreng” sa GMA’s “Daig Kayo ng Lola Ko” nga nagselebrar sa ilang 5th anniversary niadtong July. Apan sukad nag-Covid wala una siya pagawasa sa GMA. Ang sikreto ni Romero sa taas nga kinabuhi mao ang regular nga ehersisyo ug ang matug og walo ka oras kada adlaw.

CARIDAD SANCHEZ, 88

Maayo pa sab ang panglawas ni Caridad Sanchez sukwahi sa mga tabitabi nga masakiton na ni. Gani, nagpa-second booster shot pa si Caridad sa Covid sigon sa taho sa kaulohan. Nag-viral sab ang video ni Caridad nga nag-jogging sa ilang subdivision. Ang iyang anak nga si “AJ” maoy nag-atiman karon sa Cebuana actress.

CELIA RODRIGUEZ, 84

Sa unom ka dekada sa showbiz, si Celia nakahimo og kapin sa 130 ka mga pelikula diin nisikat siya sa kontrabida role. Mahinumdoman si Celia isip unang “Valentina” sa Darna. Sa telebisyon katapusan siyang nigawas sa “Anak ni Waray vs. Anak ni Biday” sa GMA niadtong 2020. “When you leave everything to God, everything will be okay,” matod pa niya sa Pep.ph.

PILITA CORALES, 84

Positive attitude ug healthy diet ang rason sa “Asia’s Queen of Songs” kon nganong nilahutay siya sa industriya. “The most important thing is healthy eating. I have a water diet but you take it with sea salt. I take 10 glasses of water a day with sea salt on the tongue,” paambit niya sa ABS-CBN. Niadto lang Hunyo si Pilita ang special guest nilang Sharon Cuneta ug Regine Velasquez sa “Iconic concert.”

JONEE GAMBOA, 85

Si Jonee ang usa sa mga pinakabeteranong aktor sa Philippine showbiz nga nakahimo og dul-an 150 ka mga TV shows ug pelikula gikan sa action movies ni FPJ hangtod sa indie film nga “Iskandalo” ni AJ Raval niadto lang Abril. Tataw nga ang dakong gugma niya sa pag-arte ang naghatag niyag kadasig aron mabuhi pa og dugay. Mag-86 na siya sa Agusto 7.

ROBERT AREVALO, 84

Si Arevalo naila nga dunay pinakalig-on nga kaminyuon sa showbiz. Ang iyang asawang aktres nga si Barbara Perez buhi pa sab sa edad nga 84. Magselebrar sila sa ilang 60th wedding anniversary karong Agusto 11. Si Robert katapusang nigawas sa FPJ’s Ang Probinsyano samtang ang iyang misis sa GMA series nga “Sherlock Jr.” niadtong 2018. Ang ilang sikreto sa longevity: Commitment.

EDDIE GUTIERREZ, 80

Si Eddie nag-trending sa eulogy sa iyang longtime screen partner nga si Susan Roces niadtong Mayo tungod sa iyang pagdanguyngoy. Ang kanhi matinee idol talandugon na sab ang panglawas. Niadtong 2018 gioperahan siya sa tuhod ug pag-2021 gi-operahan siya sa atay. Apan giklaro sa iyang pamilya nga maayo na ang ilang amahan.

Related Stories

No stories found.
SunStar Publishing Inc.
www.sunstar.com.ph