Aktibong kaso sa Covid-19 sa Davao City misaka nag 500

SunStar file
SunStar file

DUNA nay kapin 500 ka aktibong kaso sa Covid-19 ang Davao City sukad Agosto 3, 2022, butyag ni Davao City Covid-19 Task Force Spokesperson Dr. Michell Schlosser.

Mga aktibong kaso niabot og 458 sukad Agosto 2 apan matud ni Schlosser dugang 64 ka kaso ang natala niadtong Agosto 3, nisumada og 522 ka kaso.

Sa paghinabi sa Davao City Disaster Radio niadtong Miyerkules, Agosto 3, ang positivity rate naa na sa 8.3 porsiyento atol sa gidugayon nga Hulyo 24 hangtud 31, nga taas itandi sa "acceptable threshold" nga singko porsiyento.

"Before, our usual positivity rate is one percent to 1.5 then nag raise ta to three percent, then nag raise na pud to five percent. Now we are over five percent," tataw ni Schlosser.

Base sa paghimay-himay sa datus nga gitunol ni Schlosser, sukad Hulyo 30, dunay 216 asymptomatic nga kaso, 140 mild, napulo moderate, duha severe, ug usa ang kritikal nga kaso sa Covid-19.

Esplikar ni Schlosser sa miaging paghinabi kaniya sa radyo nga ang paghimay-himay sa mga kaso di gyud masusama sa kasamtangang mga aktibong kaso kay ubang mga pasyente nakarekober o namatay sa sakit.

Itandi sa miaging semana, matud ni Schlosser nga way namatay ang natala atol sa pinakaulahing cumulative report sa City Health Office ug sa Task Force.

Sa samang higayon, mga barangay sa 13-B ug 16-B giklasipikar isip high risk barangays gikan sa gidugayon nga Agosto 1 hangtud 6, 2022 base sa

pinakaulahing Risk Assessment Map ug Barangay Classifications.

Samtang 11 barangays naa sa moderate risk, nga mao ang 10-A, 11-B, 19-B, 20-B, 30-C, 33-D, 34-D, 35-D, A. Angliongto Sr., Matina Crossing, ug V. Hizon Sr. Ang nahabiling 169 barangays sa Davao City naa sa low risk.

"In general, fortunately, Davao City is still at low risk level as per the risk assessment," tug-an ni Schlosser.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph