PWL: Resort, night life adventure

Hulagway kuha ni Jesson J. Morata
Hulagway kuha ni Jesson J. Morata

Sa mga gusto nga mosuway og chillaxation sa dapit nga layo sa kasamok sa siyudad apan kompleto sa kalingawan, ilakip sa inyong bucket list ang Prestige Warehousing and Logistics (PWL) Exclusive Resort.

Ang PWL Resort nga unang gibuksan niadtong Hunyo 18, 2022 nahimutang sa Sityo Bantigue, Barangay Luyang, Lungsod sa Carmen, Sugbo nga gipanag-iya sa magtiayong Jessie ug Merlina Cayanong.

Matod pa ni Ginang Merlina nga nagsilbi kini nilang labing una nga hospitality business gawas sa ilang PWL freight forwarding business nga kapin na sa duha ka dekada nilang gidumala.

TUNGOD SA PANDEMIYA

Napalit sa magtiayon ang lote nga adunay gilapdon nga 1,200 metro kuwadrado lima na ka tuig ang milabay nga magamit nila for family use.

Apan ilang nakita ang demand sa local tourist ilabi na nga dili makabiyahe og lagyu o lisud ang pag-travel gawas sa probinsiya sa dihang nibuto ang pandemiya.

Nahukman sa mga Cayanong nga himuong resort ang ilang property nga nahimutang daplin sa dagat.

Si Jessie, sa iyang bahin, niingon nga nakatabang sila nga mga lokal sa lungsod sa Carmen nga makabaton og panginabuhian.

“Aron pag-boost sa atong economy especially during pandemic, nagtukod mi ini aron makatabang mi sa mga local, as social responsibility,” pamahayag ni Jessie sa dihang nahinabi sa Superbalita Cebu.

Grabeng mga pagsuway ang ilang naagian sa samtang nagpadayon og tukod sa ilang establisemento gumikan sa kalisdanan sa gipatuman nga lockdown ug ang bagyong Odette.

UNSAY NAA

Garbo nga gipahibawo ni Merlina ang ilang mga amenities nga dili kabintahaan sa ubang mga resort nga naglakip sa ilang lapad nga pool, adunay 12 ka rooms nga lagpad ug limpyo, adunay beach side, 10 ka cottages.

Labaw sa tanan PWD friendly ang ilang establisemento ug pet friendly diin welcome kadtong mga guest nga magdala sa ilang binuhi.

Adunay silay bar sa roof deck diin mamahimong maglingawlingaw matag gabii with live bands o mag-chill dungan sa pag-order sa inyong paboritong drinks.

RATE

Ang two-bedroom rates nagkantidad og P3,000 ang matag gabii alang niadtong buot mag-overnight stay.

Sa day-users adunay entrance fee nga P100 sa weekdays, P150 sa weekends alang sa mga hamtong, samtang P80 sa mga bata nga 3 feet ngadto na sa 10 anyos.

Libre ang mga bata nga three-feet below.

Sa ilang cottage nga makasulod og walo ngadto sa 10 ka tawo nga mokabat ngadto sa P450 matag weekdays, P550 – weekends.

Sa kadtong mga interesado mamahimong motawag sa 0920-2623888 alang sa inyong dugang pangutana o reservations.

Aron nga sayon matultolan ang lugar gamit lang sa navigational apps.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph