Estrikto na ang Cebu City Transportation Office (CCTO) personnel batok sa e-bike ug e-trike nga molapas sa dalan nga gidili sa maong mga sakyanan.

Si Jounald Bautista, operations chief sa Cebu City Transportation Office (CCTO), nibutyag nga niadtong Hulyo, 310 ka mga malapason sa balaod sa trapiko ang ilang nasikop, 38 niini ang mga traysikad ug e-trike.

Matod ni Bautista, unang insidente karong tuiga diin duha ang nangamatay, pasahero ug drayber sa e-trike, tungod sa aksidente sa dalan M.J Cuenco nga paliko sa wala padulong sa dalan T. Padilla sa Barangay T. Padilla sayo sa Lunes, Agusto 1, 2022.

Si lbert Mobe Anadon, 47, drayber sa van nga gipanag-iya sa Philhealth ang nakabangga sa e-trike nga dunay pasahero.

Dead-on-arrival (DOA) sa tambalanan ang drayber sa e-trike nga si Generoso Rosas Paca, 61, ug si Felipa Alicos Maurin, 68, pasahero.

Samtang, si Police Staff Sergeant Nemesio Denopol sa Parian Police Station nagkanayon nga ang drayber sa van pasakaan og kaso karong adlawa, Agusto 5, 2022.