Dear Noy Kulas,
Tawga lang ko sa pangan nga Pebs, babaye, 26 years old. Naa ko diri sa abroad nag work for two years na while ang akong bana naa ra diha sa Cebu.
Before mi nagpakasal sa akong bana, naka save na ko og dako-dako nga kwarta kay 21 years old pa ko, naa na ko sa abroad ga work.
Human sa among wedding, naa na mi balay kay nag down na man ko ug hapit na gani mahuman nako og bayad. Until mga nine months ago nahuman na nako og pay.
Ang akong in-laws, kay wa nay makaatiman nila, gipapuyo sa akong bana sa amoa. Okay ra ko kay wa na man koy parents. Unya karon kay kaning iyang igsuon nga babaye, nikuyog og puyo sa among balay. Single unta ni siya pero karon, duna nay live-in. Silang duha naa puyo na sa amoa.
Nasuko ang akong bana kay nganong naa sila namuyo sa amoa nga di man na ilahang balay. Mohawa ra kuno sila kon mohawa ang akong in-laws. Pero, kinsa may makaatiman sa mga tiguwang nga di man kasaligan ang iyang sister? Please tambagi ko.
PEBS
Pebs,
Ipatawag una na sa barangay ang imong sister-in-law aron adto sila magkaatubang.
Sa pagkatinuod lang, wa silay katungod mopuyo sa inyong balay kay igsuon ra man sila sa imong bana.
Na-acquire na nimo before mo nagminyo ni Mister, so, bisan unsaon og subay, wa silay rights sa pagpuyo.
Kon di madala, hangyoa ang imong bana nga papaulion sa ilang balay ang imong mga ugangan apan pag hire mo og makaatiman nga helper nga kasaligan aron maoy makatan-aw sa imong mga ugangan.
Palabya lang ang panahon, pabalika sila pagpuyo sa inyoha. Bitaw, whether you like it or not, imo na man na silang parents.
Mao na ang imong options ning panahuna. Hopefully, ma workout ang tanan.
NOY KULAS
rojval69@yahoo.com