Usa ka ex-convict girakrakan-patay sa duha ka wala mailhing mga mamumuno, ala 1:30 sa kaadlawon sa Biyernes, Agusto 5, 2022, sa Sitio Looc, Brgy. Tayud, lungsod sa Consolacion.

Ang biktima mao si Mike Francis Rosel Cena, 23, ex-convict sa kasong kawat.

Si Police Staff Sgt. Rechie Gilleran, imbestigador sa Consolacion Police Station, nagkanayon nga ang biktima diha sa sulod sa ilang balay ug gisulod si Cena, girakrakan gamit ang kalibre .45 nga pistola.

Matod ni Gilleran, ang biktima patay diha-diha ug mga mamumuno naglakaw lang nga ningbiya sa crime scene.

Matud ni Gilleran, wala nila gisalikway ang motibo sa pagpanimalos tungod sa kadaghan sa nangasuko sa biktima.