HUSTISYA ang singgit sa kabanay sa duha ka lumad nga sakop sa tribung Ubo-Bagobo sa Barangay Marahan, Marilog District, Siyudad sa Davao nga gipamusil sa wala mailhing suspek, mga alas 10 sa buntag, Agosto 6, 2022.
Sa report, ang duha nga biktima mao sila Jhonny Masangcay ug Datu Alberto Tumindog nga mga mag-uuma dapit.
Giingong may mga armadong grupo nga miabot sa dapit sa mga biktima sakay sa pula ug puti nga pickup, nagsulti nga mamalit og yuta.
Miadto ang mga wa mailhing tawo sa panimalay sa duha ka biktima, diin sa kalit lang nadungog ang panaglalis, dayon ang masipang buto sa armas.
Dali sab nga misibat ang mga suspek human sa hitabo.
Nagpadayon ang imbestigasyon sa kapulisan aron nga mailhan ang mga suspek ug madakpan. (JPC/RGV, KAMM Media Network)