Usa ka drayber sa habalhabal gituohang gipusil-patay sa gikatransak sa illegal nga drugas sa alas 12:00 sa tungang gabii sa Dominggo, Agusto 7, 2022, sa Sitio Mabugnao, Barangay Guadalupe, dakbayan sa Carcar.
Si Leo Barcenas Sabayton, 36, dunay kapuyo ug habalhabal driver, drug personality sa Sitio Graje, Guadalupe, Carcar, patay human nakaangkon og daghang samad pinusilan sa nagkadaiyang parte sa lawas.
Si Police Executive Master Sgt. Elmer Abesia, imbestigator sa Carcar Police Station, nagkanayon nga usa ka saksi niingon nga human nakadungog sa butobuto sa armas, ilang gisusi ug nakita ang biktima nga nagkadugo.
Sa pagrespondi sa mga pulis sa Carcar, dunay nakuha nga usa ka pakite nga shabu, usa ka improvised toothers, digital weighing scale ug uban pa.
Si Police Lt. Ardeolito Cabagnot, hepe sa Carcar Police Station Police Station, nagkanayon nga drugas ang motibo sa krimen nga ilang gisubay.
Ang biktima nadakpan na kaniadto sa Carcar Police gumikan sa illegal nga drugas.