MIBALIK na sab ko sa Cordillera Administrative Region (CAR) sa ika-napulo ka higayon, parte sa akong pagkalaagan ning miaging mga adlaw uban ang akong suod nga higala nga si Dr. Jed Acero.
Kun budget ang hisgutan, di man sab kaayo mahal, insakto lang nga ang sama nako makakaya niini nga trip.
Usa sa akong giadtoan mao ang Tam-awan Village sa Benguet, usa sa mga tourists destination sa Baguio City.
Ang Tam-awan Village naa sa pangpang diin dunay mga pasundayag ang mga Igorot diha sa pagpakita sa ilang mga sayaw nga nagsaysay sa ilang mabulukong kultura ug kagikan.
Duol ra sab niini, naa ang bag-ong tourists destination nga Igorot Stone Kingdom nga makapangangha gayod kanimo gumikan sa mga bato nga giporma nga maoy balay sa mga Igorot.
Busa, sa imong laag, i-apil sa imong bucket-list ang Baguio City.