PUTHAW ang gihimong temporaryo nga latayan sa mga residente nga buot motabok sa Sitio Kulafo, Barangay Magsaysay Marilog District, Davao City human nga nadala sa kusog nga tubig ang parte sa karaang tulay.
Nahitabo ang pagkadaut sa tulay gumikan sa kusog nga bul-og sa tubig sa walay hunong nga pagbunok sa ulan, Lunes sa gabii, Agosto 8, 2022.
Nasayran nga daghang mga sakyanan ang natanggong diin bugtong tawo lamang una ang makatabok.
Subay sa taho gikan sa barangay council sa Barangay Magsaysay, ilang gipaningkamotan nga pinaagi sa mga personahe sa Department of Public Works and Highways (DPWH) madali ang paghuman sa gikonstrak nga tulay.
Nagpahimangno sab ang awtoridad sa mga residente nga namuyo sa mga dapit nga bahaunon ug landslide prone areas nga mag-amping ug magmabinantayon.