Padayong mihakop og awards ang nag-unang broadcast company sa nasod, GMA Network.
Dili pa lang dugay, nakadawat og pasidungog isip “TV Station of the Year” sa the Golden Laurel 2022: The Batangas Province Media Awards.
Si GMA News and Public Affairs pillar Jessica Soho giila nga “JPL Lifetime Achievement Award” tungod sa iyang dalaygong natampo sa natad sa pamahayag.
Si Soho maoy host sa multi-media leader “Kapuso Mo, Jessica Soho”, diin nikuha usab og duha ka pasidungog isip “Best Magazine Show” ug “Best Magazine Show Host” alang kang Soho.
Nagkalainlaing Kapuso programs ug personalities ang gipasidunggan ning tuiga sa Golden Laurel Media Awards.
Naglakip kini sa longest-running morning show sa nasod nga “Unang Hirit” isip Best Morning Show, “I-Witness’ isip “Best Documentary Show,” ug “Born to be Wild” isip “Best Educational Program.”
Si Kapuso TV personality Drew Arellano maoy “Best Educational Program Host” ug award-winning broadcast journalist Atom Araullo isip “Male News Anchor of the Year.”
Giorganisar sa Lyceum of the Philippines University – Batangas, ang Golden Laurel 2022: The Batangas Province Media Awards ipahigayon matag Agusto 4 sa LPU-Batangas Main Campus.
Ang mga mananaug gipili pinaagi sa pagboto sa mga tinun-an, mga kawani ug partner schools sa Batangas province. / Tampo