Ihatag karong Sabado, Agusto 13, 2022 sa Kagamhanan sa Dakbayan sa Sugbo ang laing P3,000 nga financial assistance alang sa 89,000 kapin ka senior citizens.
Ang P3,000 alang kini sa mga buwan sa Hunyo, Hulyo ug Agusto.
Ang disbursing officers moduaw sa mga barangay alang sa pag-apod apod sa hinabang, pahibawo ni City Suzanne Ardoza pinaagi Cebu City News and Information.
Ang pagpang-apod ipahigayon sa mga barangay gym o di man gani, sa tunghaan.
Gipahibawo usab ni Ardoza nga ilang ipanghatod sa kabalayan ang hinabang alang sa senior citizens nga di makalakaw.
Himuon kini nila sulod sa lima ka mga adlaw, sugod karong Sabado.
Base sa talaan sa Office of the Senior Citizen Affairs (OSCA), adunay 1,831 ka mga senior citizens sa habagatang distrito ug 1,844 sa amihanang distrito nga maglisod na sa paglakaw. (REV)