Pagtipis magtiayon padayon nga gisusi

Datu Salibo Municipal Police Station
Datu Salibo Municipal Police Station

DUMOT sa pamilya ang gituohang maoy hinungdan sa pagpamusil-patay sa magtiayon alas 9:15 sa buntag, Martes, August 10, 2022.

Giila ang namatay nga sila Salik Sulaiman, 47, ug iyang asawa nga si Guiaria Sulaiman, 42, nagpuyo sa Datu Unsay, Maguindanao Province.

Patay sab ang payong-payong drayber nga Narex Bangkaling, 39, minyo ug nagpuyo sa Barangay Sambulawan, Datu Salibo sa maong probinsiya nga naigo sa mga saag nga bala atol sa pagpamusil.

Matud ni Maguindanao Provincial Police Office Director Colonel Christopher Panapan nga sakay ang mga biktima a Mazda pickup sa Sitio Proper, Barangay Sambulawan, Datu Salibo.

Kalit nga gipusil ang mga biktima sa wala mailhing mga suspetsado gamit ang kalibre .45 ug 9-millimeter nga mga pistola kinsa dali sab dayong nisibat sakay og motorsiklo.

Dead on the spot ang magtiayon dihang nakaangkon og daghang samad sa bala sa nagkadaiyang parte sa lawas samtang ang drayber sa payong-payong gidala pa ngadto sa Maguindanao Provincial Hospital apan gideklara siyang dead on arrival.

Imbestigasyon sa Datu Salibo Municipal Police Station sa hitabo nagpadayon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph