NAGPADAYON karon ang payout sa Social Pension (SocPen) sa mga senior citizens sa Davao Oriental.
Sa report gikan sa Department of Social Welfare and Development (DSWD) Davao Region, anaa sa kapin 45,000 na ka mga senior citizens sa Davao Oriental ang midawat sa ilang third quarter payout sa SocPen program.
Ang payout gihimo sa Barangay Anitap, Governor Generoso, Davao Oriental.
Ang sunod nga eskedyul sa payout alang sa mga nahibiling benepisyaryo sa Davao Region himuon karong Dominggo sa Davao de Oro, Agusto 15-19 sa Davao del Norte, ug Agosto 22-26 sa Davao City.
Gipahimangnoan ang mga senior citizens nga adtuon ang ilang Senior focal o mga opisyal sa Office for Senior Citizens Affairs alang sa eskedyul sa ilang payout.
Ang SocPen mao ang binulang ayuda nga P500 kada buwan o P1,500 matag kuwarter alang sa mga kwalipikadong senior citizens nga nag-edad og 60 anyos pataas.