Gipabuhagay ni Filipino boxing legend Manny Pacquiao nga naghatag kaniya og inspirasyon si anhing Lydia de Vega, kinsa nipanaw niadtong Miyerkules, Agusto 10, 2022 human sa iyang pagpakigbugno sa sakit nga breast cancer.
Nagpasalamat si Pacquiao sa kanhi Asia’s fastest woman, kinsa iyang gihulagway nga nakahatag kaniya og dugang kadasig sa pagkab-ot sa iyang mga pangandoy.
“You ran. You sprinted. You competed in pursuit of your own personal excellence so that the world can know our country, our Philippines,” opisyal nga pamahayag ni Pacquiao nga napatik sa www.abs-cbnnews.com.
“And you succeeded, as more and more Asians became aware of our country.”
Gipasabot ni Pacquiao nga nasayod siya kon unsa ka lisod ang giagian ni de Vega una niini naabot ang kalampusan.
Si de Vega nakalabni og siyam ka gold medals sa Southeast Asian Games ug duha ka gold medals sa Asian Games.
Nakarepresentar sab si de Vega sa nasod sa 1984 Los Angeles Olympics ug 1988 Seoul Olympics.
“You are worth all the adulation, all the applause, the appreciation of not only our country, but the whole world,” dugang pamahayag sa Pambansang Kamao ng Pilipinas.
“Thank you, Diay. Thank you for being an inspiration to me and my boxing career. Together, you and I -- we did it!” / ESL