Usa ka sound technician nadakpan sa buy-bust sa kapulisan sa Purok Pechay 2, Sitio Landing, Barangay Catarman, lungsod sa Liloan, alas 6:20 sa gabii sa Miyerkules, Agusto 10, 2022.
Ang nasikop mao si Beethoven Jason Chanco Hilot, 28, ulitawo, nagpuyo sa nahisgutang lugar. Nasakmit gikan kaniya ang 5 gramos nga gituohang shabu nga mobalor og P34,000.
Si Police Major Ramil Morpos, hepe sa Liloan Police Station, nagkanayon nga si Hilot nalakip sa ilang listahan sa mga namaligyag drugas sa lungsod.
Gipalitan og usa ka ka putos nga shabu nga balor P500.
Dihang napusasan, nakuhaan siya og laing duha ka gagmay nga putos sa shabu, usa ka medium nga putos sa shabu ug P500 cash nga gituohang halin niini.