Ang Malacañang nitumbok niadtong Huwebes, Agusto 11, 2022, nga ang pag-isyu sa Sugar Order No. 4, diin nagtugot sa importasyon nga 300,000 metric tons (MT) sa asukar, “illegal.”
Atol sa press conference, si Press Secretary Trixie Cruz-Angeles nagkanayon nga si Presidente Ferdinand “Bongbong” Marcos Jr., kinsa nagsilbi nga tsirman sa Sugar Regulatory Board (SRB), wala gitugotan nga mopirma alang kaniya sa pag-isyu sa maong order.
“This resolution is illegal. The chairman of the Sugar Regulatory Board is President Ferdinand Marcos Jr. As such chairman, he sets the date of any meetings and convening of the Sugar Regulatory Board and its agenda. No such meeting was authorized by the President nor such a resolution was likewise authorized,” matod ni Angeles.
Si Angeles nagkanayon nga kinsa ang nipirma sa order, ipaubos sa imbestigasyon, lakip kang Agriculture Undersecretary Leocadio Sebastian.
“An investigation is ongoing to determine whether any acts that would cause the President to lose trust and confidence in his officials can be found or if there is malice or negligence involved. In such a case, if such findings are made, then the only determination left will be how many heads will roll,” matod ni Angeles.
Sa Miyerkules, si Angeles nagkanayon nga si Marcos nisalikway sa sugyot nga pag-import og 300,000 MT sa asukar.
Kini nahitabo pipila ka minutos human ang Sugar Regulatory Administration (SRA) niluwat og Sugar Order No. 4, nagsaysay sa total volume sa asukar nga paliton sa nasod gikan sa gawas nga dili molapas sa 300,000 MT sa pagtubag sa nagkagamay nga supply.
Matod pa, base sa Hulyo 31, 2022, ang actual production sa raw sugar naa sa 1,792,102 MT ug ang actual production sa refined sugar naa sa 737,254, ubos kini og 16.18 percent ug 2.84 percent, matag usa kon itande sa iyang level sa 2021.
Ang SRA nibana-bana nga ang raw sugar production naa sa 1.8 million metric tons sa crop year (CY) 2021-2022, diin 16 porsiyento nga ubos itandi sa produksiyon sa miaging season nga 2,143,018 metric tons.
Ang kasamtangang presyo sa asukar naa sa P90 per kilo, mas mahal sa iyang suggested retail price (SRP).
Si Angeles nimintianr nga ang importasyon sensitibo nga hisgotanan nga ang kagamhanan naghimo og dakong pagtagad.
“It is a balancing act. The importation has to be carefully studied to protect both the consumer against the rising prices of commodities while ensuring, at the same time, that we do not destroy the local industry,” matod ni Angeles. (SunStar Philippines)