Hugot nga koordinasyon sa national, local government

Gipatigbabaw ni Presidente Ferdinand “Bongbong” Marcos Jr. niadtong Huwebes, Agusto 11, 2022, ang kaimportante sa papel sa local government units (LGUs) sa pagpalig-on sa food supply chain production ug distribution sa nasod.

Sa tigom sa mga sakop sa League of Provinces of the Philippines (LMP), si Marcos subli nga nipadayag sa pagpalig-on sa koordinasyon tali sa nasudnong kagamhanan ug LGUs sa pagseguro sa hapsay nga food supply and distribution, lakip sa planning bahin sa cropping schedules, yield, soil problems, ug paggamit sa fertilizer.

“We have to coordinate our efforts on food supply. We cannot just allow ‘bahala na kayo’,” matod ni Marcos. “But this has to be part of a plan, and that is why, more than ever, the President needs the help of the governors. Dati, ang agriculture, for example, was really under the national government,” dason sa Presidente.

Si Marcos maoy nagsilbi usab nga secretary sa Department of Agriculture (DA).

Matod niya, iyang prayoridad ang aktibong agricultural production sa paningkamot nga pagtubag sa mga isyu sa supply chain taliwala sa nag-ung-ong nga krisis sa pagkaon.

Samtang, si Marcos niawhag sa pagpalig-on sa koordinasyon sa natad sa digitalization, nag-ila sa mga lalawigan sa paghimo og maayong trabaho kon intande sa nasudnong kagamhanan ning bahina.

“Marami sa inyong medyo progressive, inunahan niyo na ang national government. Now, we have to bring the system together. Kailangan ‘yung information na hawak ng isang probinsya, ng isang agency, accessible doon sa kabila as long as they have authorization,” dugang ni Marcos.

“We have to be literally interconnected. So that’s another area where we are hoping that we can strengthen the cooperation -- the planning, the coordination between national government and local government,” dason niya. (SunStar Philippines)