Sakyanan nahu’g sa pangpang; 2 ka pulis, piniriso luwas ra

Sakyanan nahu’g sa pangpang; 2 ka pulis, piniriso luwas ra

Way naangol ug luwas ang duha ka mga pulis ug usa ka Person Under Police Custody (PUPC) human nahagbong sa pangpang nga duna untay gilawmon nga 80 ka tiil sa Purok Bamboo, Brgy. Manipis, Dakbayan sa Talisay.

Apan wa nalahos kay nasangit sa mga kahoy.

Si Jonathan Tumulak, pangu sa City of Talisay-Traffic Operations and Development Authority (CT-TODA), nibutyag sa Superbalita Cebu nga nadawat nila ang taho pasado alas 12 sa udto sa Biyernes, Agusto 12,2022.

Sa ilang kasayuran nga nakuha sa gikan sa Talisay City Police Station, ang sakay nga mga pulis giilang sila si Corporal Joshua Omison, 28, ug Patrolman Albert Neil Ante, 24, mga sakop sa Criminal Investigation Detection Group (CIDG) Provincial Field Unit (PFU).

Uban kanila ang dinakpan nga si Joen Lorrie Timogen Caserial, 29, taga Brgy. Sangi, Toledo city.

Dugang ni Tumulak nga ang mga pulis ug si Caserial gikan sa dakbayan sa Sugbo ug paingon sa Toledo city kay dunay tambungan nga hearing sa korte.

“While nag tungas sila hangtud nga pag-abot sa ibabaw patagpatag na kurbadahon ang kurbada, miagi sila aning dalan nga nabasa tungod aning kusog kaayo ang tubig gikan sa tubod, kana bitaw magtubod nga tubig. Pagkaagi nila anang basa nga dalan, nawad-an og kontrol ang drayber. Posible nga nitamak to sa brake unya nituyok og kaduha ang sakyanan ug nibangga sa concrete barrier kilid anang pang-pang ug natagak,” matod ni Tumulak.

“Wala ra sila kalahos sa ubos kay nasangit sa mga sanga,”dugang ni Tumulak.

Nakuha ang sakyanan kagahapon sa hapon. (BBT, hulagway iya sa CT-TODA)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph