Usa sa angay atngan sa umaabot nga 2022-2023 National Basketball Association (NBA) season mao ang panagtigi sa Los Angeles Lakers ug Dallas Mavericks sa Christmas Day.

Gibalita ni NBA insider Marc Stein nga ang first draft sa NBA schedule naglakip sa duwa batok Los Angeles ug Dallas sa adlaw sa Pasko ngadto sa American Airlines Center.

Naandan na sa NBA nga isangka ang sikat nga teams nga adunay All-Star players atol sa Christmas Day Games aron paghatag og kulbahinam nga entertainment sa basketball fans atol sa Holiday season.

Ang malakip nga All-Stars niining duwaa mao sila Lebron James, Anthony Davis, Russel Westbrook ug Luka Doncic.

Ang panagsangka sa 38-anyos nga si James ug ang 23-anyos nga si Doncic maoy sentro sa atensiyon niining duwaa.