Gianunsiyo ni World Boxing Council (WBC) heavyweight champion Tyson Fury ang iyang pagbiya sa boksing sa edad nga 34 anyos.

Nag-post si Fury atol sa iyang ika-34 anyos nga adlaw nga natawhan niadtong Sabado (PH time) pinaagi sa iyang opisyal nga social media accounts sa Twitter ug Facebook.

Nagpasalamat ang gitawag nga The Gypsy King sa tanang nakatabang sa iyang karera sa boksing.

“Massive thanks to everyone who had an input in my career over the years & after long hard conversations I’ve finally decided to walk away & on my 34th birthday I say Bon voyage,” suwat ni Fury.

Managlahi ang reaksyon sa netizens sa desisyon ni Fury, adunay nagpasalamat sa iyang natampo sa boksing, samtang ang uban di motuo.

Kahinumdoman nga mihisgot kaniadto sa Fury nga moretiro apan wa kini niya gidayon.

“Tyson_Fury you were simply the best. Your character, story and some of the best fights ever will stay in my memory forever. Thanks Tyson,” suwat ni netizen Scott Maxed sa Twitter.

“Tyson you are an inspiration to so many people. Your never say die attitude deserves respect. As much as I’m going to miss seeing you box, Please don’t come out of retirement for another payday,” matod pa netizen Alan McNamara.

Kon madayon ang iyang pagretiro, mobiya si Fury sa professional boksing nga walay pilde sa rekord nga 32 wins ug usa ka draw.

Plano unta nga moaway si Fury sa mananaog sa duwa ni Oleksandr Usyk’s ug Anthony Joshua aron i-unify ang world heavyweight titles.