Kaniadtong nagsige ko sa mountain biking, pasabot nako kada adlaw, di ko modayon kon mag-uwan. Apan kadugayan akong na appreciate ang uwan nga maayo diay isikad kay dili kapoy. Ang init makapatay og kusog kay maora kag masunog samtang nagtindak, labina kon naa ka sa karsada.
Mao nahimuot ko sa nangutana kon madayon ba ang Ironman kon mag-uwan. Rain or shine gyud na, gawas kon bagyo o dagko kaayo ang bawod sa dagat nga kuyaw sa swimmers.
Balik sa uwan, lami kaayo isikad basta mag-uwan, apan gabantay ko sa mga lugar nga kuyaw sa landslides, labina kon naa nay history. Wa nagpasabot nga di kuyaw ang ting-uwan, labina sa mga trail nga dangog o bisan karsada nga unpaved. But naa dinhi ang challenge sa skills sa biking.
Nakahisgot ko ini human nako nakita ang mga video sa mga tawo nga nag bike to work nga ningsungasong sa uwan.
Naay makalingaw nga esena nga gipas-an sa biker ang iyang bike samtang ang usa nisungasong sa baha.
Base sa akong experience, if suhito ka sa karsada, okay ra nga di manaug sa bike, tindak lang. Lahi sa motorsiklo nga kuyaw mapagngan kay malumos ang makina. That’s how good ang human-powered bicycle.
PATAS
Ang nakanindot sa bike kay branded o di, the same ang effect sa imong lawas kon mag bike ka.
Secondary na lang nindot ka og group set, wheelset o branded ang imong frame, fork ug uban pa. But realistically, the same ra nga lingaw ug epekto sa lawas.
Duna koy mga higala nga yano ra ang biseklita, but ang group set ug ubang moving parts, branded hinuon.
Bisan di nindot ang ilang biseklita, but gibawi sa ilang kakusgan.
Branded ang ilang moving parts but di kaayo taas ang level. Importante ni, sama sa brakes, tungod kay alang ni sa safety while nagsikad ka.
Sa Shimano lang, kon ang imong brakes nasakop sa series, makaseguro ka nga maayo, di dali mobato samtang gadulhog ka.
Sa uwan ug lapukon nga dapit, makaseguro ka nga mokombate ang branded bike parts. Base ni sa akong experience kay nagsugod ko sa v-brakes, lainlaing model sa bike parts, labina sa brake set.
Apan sa ako nang giingon, di apilon ang factors sa lugar nga giagian sa bike, branded o di, same ra ang kalingaw.
SEKRETO
Way sekreto sa paghimong kusgan sa bike. Ang pagsikad kada adlaw, pag discover nimo sa imong kusog ug makaya, maayo nga pagkaon, makatabang sa paglambo sa imong strength ug conditioning.
Di sab importante ang paspas nga pag climb sa mga tungason kay mahimo ra kang mahutdan sa tunga, labina kon bag-o ka pa. Unsay may dalian kon wa ka mag-apil og lumba?
Ang importante you enjoy the view ug sa exercise nga suroysuroy lang.
Kanang nindot nga biseklita padung ka ra diha kon magkadugay na ka.
Ang biseklita alang sa enjoyment, di pahambugay. Makaguol baya kay duna gyuy uban nga hangin pa sa bagyong signal no. 4.