Mag-abot dayon ang superstars nga si Lebron James ug Stephen Curry sa opening game pa lang sa National Basketball Association (NBA) 2022-2023 season karong Oktubre 18.
Ang panagribal ni Curry ug James mao ang usa sa pinakasikat sa karon nga henerasyon. Ang duha nag-abot sa upat ka sunodsunod nga NBA Finals sa tuig 2015 ngadto sa 2018.
Sa upat ka panagtagbo sa NBA Finals, tulo niini nakuha ni Curry ug Golden State, samtang usa lamang ang nakuha ni Lebron nga miduwa sa Cleveland Cavaliers niadtong higayona.
Mas inilog ang defending champion Golden State kay sa Los Angeles Lakers ni James nga wala makasulod sa playoffs sa miaging season.
Ang Warriors milupig sa Boston Celtics sa NBA Finals, 4-2, aron aswaton ang titulo.
Matod sa mga netizen sa Twitter nga easy win kini alang sa Warriors.
Samtang ang mga dumadapig sa Lakers nagkanayon nga barawon sa Lakers ang championship ring ceremony sa Warriors.
Ang championship rings pormal nga ihatag sa team ug mga miyembro niini sa unang duwa sa bag-ong season.