Sun Savings misustiner sa outstanding growth

Ang total assets sa Sun Savings Bank padayong nagtubo sa second quarter sa 2022, diin niabot sa new record level nga P2.64 billion, kini nagrepresentar og 27% growth rate tali sa miaging tuig nga naa sa 2.07 billion.

Ang growth rate nga 27% mas doble sa thrift bank industry nga nagtubo sa 4.3% atol sa samang panahon.

Ang pagtubo sa assets o bahandi, dakong bahin gikan sa loan portfolio nga nitubo og 34% ngadto sa 1.96 billion, koni itande sa miaging tuig.

Tungod kini sa nagpadayong pagsuporta sa banko sa mga magtutudlo sa Department of Education (DepEd) alang sa ilang expanded loan requirements sa pag-ayo sa ilang balay nga nadaut sa bagyong Odette.

Ang kalidad sa loan portfolio nagpakita og significant improvement samtang ang Non-Performing Loan (NPL) ratio niubos ngadto sa halos katunga nga naa na lang sa 1.8%, kon itande sa miaging tuig nga level nga 3.4%.

Ang banko nagpabilin nga highly liquid samtang ang iyang Minimum Liquidity Ratio naa sa 36.33%, subra sa doble sa 16% ratio nga required sa BSP.

Sa pundo ning taas nga kalamboan sa assets mao ang pagtubo usab sa savings ug time deposits nga moabot og 11% ngadto sa 1.6 billion, kon itande sa miaging tuig.

Ang banko padayong nidani og deposits pinaagi sa tanyag nga dugang rewarding rates alang sa time deposits, labina sa 7% pa TAX-FREE rate sulod sa lima ka tuig ug one-month time deposits (TD5).

Ang 7% TAX-FREE rate nakatampon sa interest rates on taxable corporate bonds nga gitanyag sa dagkong kompaniya sama sa Ayala Land ug Petron.

Dugang pa, ang 7% pa, ang TD5 rate taas sa average inflation rate sa 4.7% alang sa unang pito ka buwan sa 2022, busa nanalipod sa depositors.

Ang Land Bank of the Philippines (LBP) ug ang DBP nagsuporta sa paningkamot sa Sun Savings sa pag-abag sa Deped teachers sa ilang pinansiyal nga panginahanglan.

Ang LBP nitugot sa banko sa P300 million term loan, gisundan sa DBP nga nihatag sa samang P200 million term loan, kini testamento sa solid ug sound management sa banko, sa duha ka mga dakong universal banks sa nasod.

Ang 5-year term loans naghimo nga stable funding base alang sa lending activities sa banko.

Sa second semester, ang banko nagpaabot nga ang total assets padayong paspas motubo samtang ang Deped teachers’ loan demand gipaabot nunot sa pagbalik sa face-to-face classes. (PR)