SA padayong pagpalambo sa implementasyon sa Pantawid Pamilyang Pilipino Program (4Ps) dinhi sa Davao Region kauban ang mga partners niini, usa ka oryentasyon ang gipahigayon alang sa diskusyon sa Implementing Rules and Regulation o IRR nga ubos sa Memorandum of Agreement sa DSWD Field Office-Davao Region-Pantawid Pamilya ug ang Land Bank of the Philippines (LBP) kabahin sa transactional accounts alang sa mga benepisyaryo nga gadawat sa cash grants sa programa.
Nahitabo kini niadtong Agosto 5 - 6, 2022 sa Bali-Bali Beach Resort sa Island Garden City of Samal, Davao del Norte.
Ang mga partisipante sa maong panagtapok mao ang mga branch heads sa 14 ka branches sa LBP.
Nangulo sa maong aktibidad sila Assistant Regional Director for Operations, Dir. Ronald Ryan R. Cui, Assistant Regional Director for Administration, Ms. Merlinda A. Paragamac ug ang mga technical staff ug focal persons sa Regional Program Management Team (RPMT) sa Pantawid Pamilya.
Unod sa maong diskusyon ang nahimong agreements o kasabutan sa DSWD-Davao ug ang mismong mga Landbank branch heads sa managlahing sitwasyon ug concerns kabahin sa transactional accounts sa 4Ps.
Gilauman sa maong tigum nga mas mapalambo pa ug mapahugtan ang implementasyon sa programa ug alang sa ikaayo sa mismong mga 4Ps beneficiaries. (Jeepy P. Compio/DSWD-Davao Region)