MIRESULTA sa kamatayon ang panag-inom sa duha ka maghigala, Agosto 14, 2022, didto sa Barangay Visayan, Tagum City.
Patay ang usa ka 36-anyos human dunggaba sa iyang kainom nga si alyas Jun, 38-anyos nga taga Purok Tipaz, Barangay Magugpo West, siyudad sa Tagum.
Sa imbestigasyon sa Tagum City Police Investigation and Detection Management Section, una nahitabo ang pagpanunggab, nag-inom pa ang biktima ug ang suspek.
Apan sa kalit lang miulbo ang tensiyon tali sa duha ug wa damha gidunggab sa suspek ang biktima.
Nabulit sa mga samad dinunggaban ang biktima kinsa gitabang pa sa mga rescuers apan dead on arrival kini sa tambalanan.
Hinuon, dali sab nga nasikop ang suspek kinsa anaa na sa kustodiya sa kapulisan diin giandam ang kasong murder batok niini.