Talisay mopatuman og curfew sa minors

Gimando ni Talisay City Mayor Gerald “Samsam” Gullas ang pagbalik na sa curfew alang sa mga menor de edad aron malikay sa disgrasya ug di maayong hitabo.

Ang curfew magsugod sa alas 10 sa gabii hangtod sa alas 4:00 sa buntag. Gipasabot ni Gullas nga ang maong paagi gihimo aron magiyahan usab ang mga tinun-an nga maka-concentrate sa pagsugod na sa face-to-face classes.

“Minors now, especially after being not able to go to school in 2 years, should concentrate on face-to-face classes. Classes should be the priority now,” matod ni Gullas sa Agusto 15, 2022. Usa ka executive order ang iyang giluwatan sa Lunes, Agusto 15, 2022.

Subay niini, iyang gimandoan ang tanang mga barangay kapitan ug ubang mga opisyal, ilabi na ang kapulisan ug City of Talisay Traffic Operations and Development Authority (CT-TODA) sa pagpatuman sa maong mando.

Hinuon padayon nga gitugot ni Gullas ang mga kalingawan ug panginabuhi sa mga hamtong atol sa kagabhion.

“Economy and night life must go on. People should go out, night life is good for the economy,” matod ni Gullas.

“But let’s just concentrate on our minors as we get ready to start face-to-face classes,” dugang niya.

Ang curfew unang gipatuman atol sa pagpahugot sa mga lockdown tungod sa nagpadayong pandemya sa nasud.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph