ORMOC CITY - Nasunog ang usa ka edipisyo sa Hindang Leyte National High School (HLNHS) sa lungsod sa Hindang sa Leyte, alas 8:30 sa buntag sa Dominggo, Agusto 15, 2022.

Matod ni Cindy Villas, usa ka magtutudlo, naugdaw ang library, computer laboratory, science laboratory, school canteen, TLE room, school clinic, PTA office ug ICT coordinator’s office ug uban pa.

Samtang, si Villas nag-postsa iyang social media, makita ang pagkaugdaw sa mga opisina ug ang imahen lang ni Sr. Sto. Niño ang wala naunsa.

Sa pag-abot sa kabomberohan ug kapulisan, ilang naabtan ang mga residente duol sa tunghaan nga nagtinabangay sa paghakot sa mga dokumento.

Sa paghimo ning balita, padayun pa nga gisusi sa kabomberohan ang hinungdan sa sunog ug ang danyos nga gibilin niini.