GIPAHIBALO sa Land Transportation Office sa Davao Region (LTO-Davao) pinaagi sa ilang Facebook Page nga aduna silay gihatag nga extension alang sa renewal sa mga motor vehicles registration.
Walay ipatuman nga penalty/surcharge sa renewal registration sa mga sakyanan.
Sa ilang Facebook post ilang gipahibalo nga ang mga plate number nga nagtapos sa 8, lugwayan kini hangtud sa Septyembre 30, 2022.
Ang mga plaka usab nga nagtapos sa 9 extended kini hangtud Oktubre 31, 2022 samtang ang mga nagtapos sa 0 extended usab kini hangtud Nobyembre 30, 2022.
Alang sa mga pangutana puwede nga bisitahon ang ilang Official Facebook Page nga Land Transportation Office Region XI samtang ang ilang email; Itodavao@gmail.com.
Gihimo kini sa ahensiya aron mahatagan og igong takna ang mga nanag-iya og mga behikulo sa pagpreparar sa mga papeles nga gikinahanglan sa renewal.