Giablihan sa dakbayan sa Sugbo ang EasyHub, interactive store sa rehiyon nga nag-offer og multi-channel retail experience sa mga kustomer sa Globe.
Ang EasyHub anaa nahimutang sa Cyberzone sa SM Seaside kon diin ang mga kustomer, tech newbies ug bisan ang mga senior citizen sayon ra maka-connect, explore ug makahimo sa ilang mga digital nga transakyon.
“We are excited to offer our customers an elevated, immersive, and self-service in-store experience. This way, they can easily and conveniently complete their transactions in a safe and secure environment,” matod ni Julie Querubin, ang Retail Area Head sa Globe EasyHub Visayas.
Ang interactive store, usa ka innovative service sa Globe nga subay sa pasalig niini sa United Nations Sustainable Development Goals nga naghatag og gibug-aton sa role sa innovation ug infrastructure alang sa kalamboan sa ekonomiya.
Sa maong interactive one-stop-shop, makasinati ang mga kustomer og mas hamugaway nga access sa mga produkto ug serbisyo sa Globe pinaagi sa kombinasyon sa digital ug brick-and-mortar experience kon diin ang mga kustomer mamahimong maka-shop, bayad, explore ug access sa mga impormasyon kon unsaon pag-request sa customer service support sa mobile platform sa Globe.
Pinaagi usab sa Pay Zone ug Care Zone, ang mga kustomer makahimo sa ilang mga transakyon nga walay hasol ug di kinahanglan molinya ug mohulat og dugay.
“EasyHub is a reflection of Globe’s mission and vision as a company that cares. We take care of the needs of our customers by empowering them to complete day-to-day transactions through digital tools and other resources,” sumala ni Michael Coson, ang pangulo sa Retail Design and Portfolio Growth sa Globe.
Sa Pay Zone dunay vending machines nga modawat og kwarta pag bayad sa Globe, Innove, ug Bayantel bill, mosulod og kwarta sa GCash wallet, mo-load sa prepaid account ug mopalit og special SIM card nga may kaubang data.
Samtang sa Care Zone, adunay mga screenshot nga gi-display o gipakita aron magiyahan ang mga kustomer sa pagbayad sa mga bayranan pinaagi sa GlobeOne App o sa vending machine kon diin maka-request og serbisyo gikan sa GlobeOne App o Globe At Home app ug pag gamit og GCash app.
Gawas sa SM Seaside, ang EasyHub booths makit-an sa Ayala Malls Manila Bay, SM Manila, ug Robinsons Place sa Bacolod City.
Dugang outlets ang ablihan sa laing mga lokasyon sa tibuok nasud para mas mahimong accessible ang EasyHub sa kadaghanan. Sa dugang kasayuran, biisitaha ang www.globe.com.ph. (PR)