Kapulisan ipakatap sa kadalanan

Kapulisan sa dakbayan sa Sugbo andam moladlad sa kadalanan sa ilang mga personnel human nimando si Mayor Michael Rama nga ibalik ang police visibility sulod sa 24 oras nga unang gipatuman sa nanglabay nga mga pangulo sa kapulisan sa siyudad.

Unang nimando si Rama nga ibalik kadtong police visibility 24 oras human sa pagtulis ug pagpatay sa usa ka lalaking grade 10 scholar sa Barangay Bulacao sayo ning buwana.

Matod sa mayor nga kinahanglan nga makita ang mga pulis sa kadalanan uban sa mga police patrol aron mapakgang ang nagtinguha nga mobuhat og krimen.

Si Police Lieutenant Colonel Maria Theresa Macatangay, information officer sa CCPO, nagkanayon nga andam nila nga tumanon ang mando sa mayor sa dakbayan, diin ilang ipakatap ang kasamtangan nga gidaghanon sa ilang personnel uban sa mga sakop sa task force Kasaligan.

“Were hearing the directive of the mayor loud and clear and right now our operations are creating a strategy to able to deploy the necessary number of personnel on the streets, with the existing number of personnel that we have right now,” matod ni Macatangay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph